Videoke World!

Ang isa sa mga libangan ng mga Pinoy ay ang kumanta, Bertdey, habang naliligo, habang kumakain, nagiinuman, naglalaba, pati  Semana Santa, lahat yan kinakanta ng mga Pinoy. Sabi ng libro ko sa Sibika, na simula Grade 1 hanggang Grade 6 eh yun lang din ang laman, eh mga ninuno pa lang natin eh mahilig ng kumanta, habang nagaalay ng mga pagkain oh habang sinasamba ang mga diyos nila, lahat yan dinadaan nila sa kanta.

Hanggang sa dumating ang mga Español, at nagevolve ito sa harana, mas high tech to kasi may gitara na, kung dati mga tambol at kulintang lang, nung panahon ng Kastila pwede na silang mag Rock ‘n Roll!

Nung pagdating naman ng Hapon, nasubukan naman ang mga Pinoy kung kaya nilang umarte habang kumakanta at eto ang pagsisimula ng teatro sa Pilipinas. Parang GLEE ang dating, musical. At dito rin nakilala ang mga beteranong artista tulad nila dolphy, German Moreno, at iba pa (wala na ko kilala, di ko na kasi naabot yan eh)

At kasabay ng pag ikot ng mundo patuloy na nagevolve ang musikang Pinoy, hanggang sa umabot na ito sa mga NAKAKAIRITANG videoke sa tanghali! Sinasabing mga Pinoy din daw ang nagimbento ng nasabing makina. Kaya malamang tayo rin ang pinakamadalas na gumamit nito. Pero di porket tayo na ang nakaimbento, eh dapat na natin itong gamitin kahit kailan habang may mga kapitbahay na pilit naghahabol ng tulog. May tamang oras para gawin ito, halimbawa tuwing bagong taon, bagay na bagay yun dahil lahat ng tao gising. Walang maiinis sayo.  Meron din naman mga panahon kung saan “restricted” gamitin ang mga Videoke. Tulad na lang sa tanghalin tapat. Pero pilit itong nilalabag. Sino ba naman ***** ang nakaisip na bumirit ng tanghaling tapat at summer. Malamang minasaker na yung taong yun. Diba nakakairita yun habang bumabawi ka ng tulog dahil di ka natulog kagabi dahil sa mga Videokeng naghihiyawan, tapos di ka pa rin pagbibigyan sa tanghali. Nakakanginig ng laman! Pero kung may mas iirita pa dun eh yun yung mga feedback ng mic dahil sa mga makukulit na batang pilit pinagkakasya yung mic sa mga bibig nila, di ba nila naiisip na nakakayamot yung mga matitining na tunog na yun?

Hay! Grabe talaga ang Pinoy, basta’t may pagkakataon kukunin ang mic at pipiliting ibirit ang “I Will Always Love You”, di na nila iniisip na sintunado sila o nakakarindi sa mga kapitbahay o ayaw ng ibang tao ang pinili nilang kanta. Basta masaya sila sa ginagawa nila. YAN ANG PINOY!

 

(ginawa nya ang blog na to hapon ng April 15, pero simula tanghali di pa rin tapos ang mga nagvivideoke sa kalapit-bahay nila. Kalunos-lunos na ang mga pangyayari.)

 

PS – “Sige, pagpatuloy niyo lang Unti-unting lunurin sa kasiyahan (yeah!) Sige, pagpasensiyahan na lang Mga pumipigil sa ating ligaya (woohoo!)”